1981-yil Toshkent shahrida tug‘ilgan.

Ma’lumoti – oliy, 2006 yil Toshkent aviatsiya institutini marketolog mutaxassisligi bo‘yicha tamomlagan.

Ikramov Mirakbar Mirsaitovich ilk mehnat faoliyatini “Suvsoz” davlat unitar korxonasida Chilonzor suv taqsimoti bo‘limi nazoratchisi lavozimidan boshlab,  qator lavozimlarida ishlagan.

Shuningdek,O‘zbekiston Respublikasi Transport vazirligi “O‘zavtovokzal servis”davlat unitar korxonasi boshlig‘i o‘rinbosari, 

O‘zbekiston Respublikasi Transport vazirligi Toshkent shahar transport va yo‘l-transport infratuzilmasini rivojlantirish bosh boshqarmasi boshlig‘i o‘rinbosari vazifasini bajaruvchisi,

O‘zbekiston Respublikasi Transport vazirligi Avtomobil va jamoat transporti departamenti boshlig‘i o‘rinbosari - Jamoat transporti boshqarmasi boshlig‘i vazifasini bajaruvchisi, departament boshlig‘i vazifasini bajaruvchisi, Avtomobil va jamoat transporti departamenti boshlig‘i lavozimlarida faoliyat yuritgan.

2024-yildan Toshkent shahar transport va yo‘l transport infratuzilmasini rivojlantirish bosh boshqarmasi boshlig‘i lavozimida faoliyat yuritmoqda.

 Quyidagilar boshqarma boshlig‘ining asosiy funksional vazifalari hisoblanadi: O‘zbekiston Respublikasi Konstitutsiyasi va qonunlari hamda boshqa normativ huquqiy hujjatlar talablariga rioya etish; Bosh boshqarma faoliyatiga umumiy rahbarlikni amalga oshirish, unga O‘zbekiston Respublikasi Prezidentining va Vazirlar Mahkamasining tegishli hujjatlari, Vazirlikning buyruqlari va boshqa qonunchilik hujjatlari bilan yuklangan vazifalar va funksiyalar bajarilishini tashkil etish; Bosh boshqarmaning faoliyati bilan bog‘liq prognoz ko‘rsatkichlarga erishishni ta’minlash bo‘yicha amaliy chora-tadbirlarni ishlab chiqish va amalga oshirish; Toshkent shahar jamoat transporti tizimini 2025-yilgacha rivojlantirish konsepsiyasini o‘z muddatida, sifatli va to‘liq amalga oshirish; jamoat transportining barcha turlarini bir-biriga bog‘lagan holda aholi uchun qulay bo‘lgan yangi yo‘nalishlar tarmog‘ini joriy etish hamda metropoliten jozibadorligini oshirish; yo‘l-transport infratuzilmasini rivojlantirish loyihalarini ishlab chiqish, ushbu loyihalarni sifatli amalga oshirish chora-tadbirlarini muvofiqlashtirish; zamonaviy axborot-kommunikatsiya tizimlarini joriy etgan holda jamoat transportining yagona avtomatlashtirilgan dispetcherlik boshqaruvini tashkil etish; O‘zbekiston Respublikasi Prezidenti va Vazirlar Mahkamasining qarorlari va topshiriqlari ijrosini ta’minlash, shuningdek, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ 2881-son, “Davlat organlari tashkilotlarida ijro intizomini yanada mustahkamlash chora-tadbirlari to‘g‘risida” 2018-yil 5-oktabrdagi PQ-3962-son qarorlari hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq Boshqarmada ijro intizomini mustahkamlash bo‘yicha kompleks amaliy chora-tadbirlarni amalga oshirish, Boshqarma xodimlari tomonidan topshiriqlarning o‘z vaqtida va sifatli bajarilishida ularning shaxsiy mas’uliyatini oshirish bo‘yicha choralar ko‘rish; Vazirlik Hay’ati qarorlari, Vazirlik buyruqlari va topshiriqlarining o‘z vaqtida va sifatli bajarilishini ta’minlash; mahalliy ijro etuvchi hokimiyat organlari va kompleks ijtimoiy-iqtisodiy rivojlantirish sektorlari bilan avtomobil, temir yo‘l, havo va daryo transporti sohasiga tegishli masalalar bo‘yicha hamkorlik qilish; o‘z o‘rinbosarining vakolatlarini belgilash, boshqarmaning boshqa mansabdor shaxslari vakolatlarini belgilash, o‘z o‘rinbosari va boshqa mansabdor shaxslar tomonidan Bosh boshqarma faoliyatining alohida uchastkalariga rahbarlik qilish uchun shaxsiy mas’uliyat darajasini belgilash; Bosh boshqarma faoliyatini rejalashtirishni tashkil etish, boshqarma va o‘z o‘rinbosarining har choraklik ish rejalarini tasdiqlash, ular ijrosi holatini nazorat qilib 5 borish; Bosh boshqarmada kadrlarni tanlash va joy-joyiga qo‘yishni tashkil etish, ularning samarali faoliyat yuritishlari uchun zarur sharoitlarni yaratish, Bosh boshqarma kadrlar zaxirasini shakllantirish; Vazirlik apparati nomenklaturasiga kiradigan bo‘sh lavozimlarga taklif etilgan kadrlarning, shuningdek, Bosh boshqarmaga ishga qabul qilinadigan boshqa kadrlarning professionalligi, o‘z ishini bilishi, amaliy ish tajribasi, yuqori ishchanlik darajasi va ma’naviy-axloqiy sifatlarini kafolatlash; Bosh boshqarma xodimlari, o‘z o‘rinbosarini rag‘batlantirish va intizomiy javobgarlikka tortish masalalarini hal etish, shu jumladan ularning egallab turgan lavozimida qolish-qolmasligi maqsadga muvofiqligi masalalarini ko‘rib chiqish, ularning shaxsiy mas’uliyatini oshirish yuzasidan tizimli choralarni amalga oshirish; Bosh boshqarma xodimlari tomonidan odob-axloq qoidalariga rioya etilishi ta’minlanishini nazorat qilish; “Korrupsiyaga qarshi kurash to‘g‘risida”gi O‘zbekiston Respublikasi Qonuni talablariga muvofiq boshqarma tizimida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyoti va qonunchilikni takomillashtirish bo‘yicha chora-tadbirlarni ishlab chiqish va amalga oshirish yo‘li bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish; prognoz ko‘rsatkichlar bajarilishini muntazam tahlil qilib borish va qayd etilgan ko‘rsatkichlarga Bosh boshqarma tomonidan so‘zsiz erishishni ta’minlashga yo‘naltirilgan qo‘shimcha choralarni ko‘rish yuzasidan takliflarni ko‘rib chiqish uchun vazirning mutasaddilik qiladigan o‘rinbosarlariga kiritish; Bosh boshqarma xodimlari faoliyatining samaradorligi va natijadorligini doimiy tanqidiy tahlil qilib borish, yig‘ilishlarda ularning shaxsiy hisobotlarini eshitib borish, ularning yakunlari bo‘yicha zarur choralar ko‘rish; Bosh boshqarma faoliyati masalalari bo‘yicha qonunchilikni takomillashtirishga doir, shuningdek, davlat xizmatlarini ko‘rsatish samaradorligi, sifati va ulardan foydalanish darajasini oshirish bo‘yicha takliflarni Vazirlik rahbariyatiga ko‘rib chiqish uchun kiritish; Bosh boshqarma bo‘limlari va boshqarma tarkibiga kiruvchi tashkilotlar faoliyatini muvofiqlashtirish va nazorat qilish; jismoniy va yuridik shaxslar murojaatlarini ko‘rib chiqish, aholi bilan to‘g‘ridan to‘g‘ri va ochiq muloqotni yo‘lga qo‘yish, shaxsiy qabullarni, shu jumladan, “Jismoniy va yuridik shaxslar murojaatlari to‘g‘risida”gi O‘zbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi to‘g‘risidagi tegishli hujjatlarda belgilangan muddatlarda va tartibda jismoniy va yuridik shaxslar vakillarining sayyor qabullarini muntazam o‘tkazish yuzasidan samarali ishlarni tashkil etish; O‘zbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, O‘zbekiston Respublikasi Prezidentining Virtual qabulxonasidan jismoniy va yuridik shaxslarning kelib tushadigan murojaatlarini o‘z vaqtida va to‘liq ko‘rib chiqish; Bosh boshqarma xodimlariga mukofot pullari, lavozim maoshiga qo‘shimchalar, moddiy yordam puli to‘lash, mukofotlash, rag‘batlantirish va ularga nisbatan intizomiy chora ko‘rish to‘g‘risida qarorlar qabul qilish; davlat siri va maxfiy axborotlar toifasiga kiruvchi ma’lumotlar bilan ishlashda qonunchilik hujjatlari talablariga rioya etilishini ta’minlash; sudlarda va davlat tashkilotlarida Bosh boshqarmaning mulkiy hamda boshqa manfaatlarini himoya qilish.

1994-yil Toshkent viloyatida tug‘ilgan.

Ma’lumoti – oliy, 2016-yil Toshkent avtomobil-yo‘llar instituti (bakalavr), 2018-yil Toshkent avtomobil yo‘llarini loyihalash, qurish va ekspluatatsiyasi instituti (magistratura)

yer usti transport vositalari va tizimlari mutaxassisligi bo‘yicha tamomlagan.

Norbutayev Olloyor Baxrom o‘g‘li ilk mehnat faoliyatini O‘zbekiston Respublikasi mudofaasiga ko‘maklashuvchi “Vatanparvar” tashkilotining Toshkent shahar “Yashnobod o‘quv sport-texnika klubi” Unitar korxonasi o‘qituvchisi lavozimidan boshlagan.

“Uzavtovokzal Servis” davlat unitar korxonasida bir qator lavozimlarida faoliyat yuritgan.

Toshkent shahar Transport va yo‘l transport infratuzilmasini rivojlantirish bosh boshqarmasidagi faoliyatini 2022-yil Murojaatlar va xatlar bilan ishlash sektori boshlig‘i lavozimidan boshlagan.

2024-yildan Toshkent shahar transport va yo‘l transport infratuzilmasini rivojlantirish bosh boshqarmasi boshlig‘i o'rinbosari lavozimida faoliyat yuritmoqda.